Latest Posts by bulbul132 - Page 3

يابا مع السلامة..

يا سكة سلامة فى الحزن المطير

يا كالنخلة هامة.. قامة واستقامة

هيبة مع البساطة.. واصدق ما يكون

راحة ايديك تماما مثل الضفتين

ضلك كم ترامى حضنا لليتامى

وخبزا للذين هم لا يملكون

بنفس البساطة والهمس الحنون

تدخل يا حبيبي من باب الحياة

لباب المنون

روحك كالحمامة بترفرف هناك..

كم سيرة وسريرة من حولك ضراك

والناس الذين خليتم وراك

وعيونم حزينة بتبلل ثراك

ابواب المدينة بتسلم عليك

والشارع يتاوق يتنفس هواك..

يا حليلك حليلك.. يا حليل الحكاوي

ﺣﺪ ﻳﺸﻌﺮ ﺑﺎﻟﺴﻌﺎﺩﺓ

ﻭﻳﻤﺸﻲ ﻳﺨﺘﺎﺭ ﺍﻟﺒﻌﺎﺩ

ﺣﻜﻤﺔ ﻭﺍﻟﻠﻪ ﻭﺣﻜﺎﻳﺔ

ﺗﺸﻐﻞ ﺃﺫﻫﺎﻥ ﺍﻟﻌﺒﺎﺩ

ﻧﺎﺱ ﺑﺘﺘﻌﺬﺏ ﻭﺣﻴﺪﺓ

ﻭﻧﺎﺱ ﺑﺘﻨﻌﻢ ﺑﺎﻟﻮﺩﺍﺩ

ﻗﺒﻞ ﻣﺎ ﺗﺸﻮﻓﻚ ﻋﻴﻮﻧﻲ

ﺑﻴﻚ ﺳﻌﺪﺕ ﻭﻗﻠﺒﻲ ﺭﺍﺩ

ﻧﻈﺮﺓ ﻓﻲ ﻣﺮﺁﺓ ﺧﺪﻭﺩﻙ

ﺃﺣﻠﻰ ﻣﻦ ﻛﺴﺐ ﺍﻟﻤﻴﻌﺎﺩ

ﻳﺎﺟﻤﺎﻝ ﻳﺎﻋﺎﻃﻔﺔ ﺻﺎﺩﻗﺔ

ﺍﻧﺖ ﺑﺘﺤﺐ ﺍﻟﻌﻨﺎﺩ

ﻭﻻ ﺑﺘﺤﺎﻭﻝ ﺑﺪﻟﻚ

ﺗﺸﻐﻞ ﺍﻟﺮﻭﺡ ﻭﺍﻟﻔﺆﺍﺩ

ﺃﺣﻜﻲ ﻗﺼﺔ ﻏﺮﺍﻣﻚ

ﻛﻴﻒ ﺑﺪﻳﺖ ﺣﺒﻚ ﺯﻣﺎﻥ

ﻛﻴﻒ ﺑﺪﻳﺖ ﻓﻲ ﺍﻟﺤﺐ ﻛﻼﻣﻚ

ﻳﺎ ﻳﻨﺎﺑﻴﻊ ﺍﻟﺤﻨﺎﻥ

ﻛﻨﺖ ﺑﺘﺒﺎﺩﻝ ﺍﻟﻤﺤﺒﺔ

ﻭﻻ ﺑﺘﻌﺎﻧﺪ ﻓﻲ ﺍﻷﺣﺒﺔ

ﻧﺎﺱ ﺑﺘﻨﻌﻢ ﺑﺎﻟﻤﻮﺩﺓ

ﻭﻟﻴﻬﺎ ﻣﺠﺪ ﺍﻟﺤﺐ ﻳﻌﻮﺩ

ﻭﻧﺎﺱ ﺗﺤﺎﻭﻝ ﻟﻴﻬﺎ ﻣﺪﺓ

ﻣﺎﻟﻘﺖ ﻏﻴﺮ ﺍﻟﺼﺪﻭﺩ

ﺣﻜﻤﺔ ﻭﺍﻟﻠﻪ ﻭﺣﻜﺎﻳﺔ

ﺍﺩﻫﺸﺘﻨﻲ ﻣﻦ ﺍﻟﺒﺪﺍﻳﺔ

ﻛﻴﻒ ﺗﻜﻮﻥ ﺑﻜﺮﺓ ﺍﻟﻨﻬﺎﻳﺔ

ﻟﻮ ﻋﻨﺎﺩﻙ ﺷﻮﻓﺘﻮ ﺯﺍﺩ

هلاااا بي الخريف ...السودان كردفان القره ام خير جوه وبره منطقه ام لوالي ادارية ام ادرابه

رحتا ي فرح الامانى ي مشاعر هشه زينة ويا ابتهالات القوافي ويافرح عم المدينه وكنت بين كلمات غنانا زي نداوة خاطرة فينا وفجاءة رحتا وياما سبتا بعدك الايام حزينه مين يصدق زيك انت فجاءة بس نلقاهو مافي كنت مالى العين وفايض ي حنان يحضن دافي وكنت مالي وجودنا بهجة وروعه من ابداع خرافي وكنت زي النيل حليلك خيرو وافي ونبعو صافي ولسه في خاطرنا رسمك والصغار حافظنو اسمك والغناوي العشنا فيها فيها نبضك وفيها حسك نحنا لو عارفنو يوما جاي نصل الشر يمسك ياما كنا فدك نحنا وكنا جوه العين ندسك .

احب مكان وطني السودان

اعز مكان عندي السودان

لانو حسانو اعف حسان

طيرو صوادح ..وروضو جنان

الانسام بالطيب تغشاهو ..

والاقمار حفت بسماهو ..

والازهار تبسم في رباهو...

فيها رقة وفيها حنان

فيه النيل النيل الخالد

فيه الخال والعم والوالد

فيه تراث من طارف وتالد

والخيرات اشكال والوان

السودان اشراقة جديدة..في افريقيا وبسمه سعيدة

فيه عروبه وجوها عديده

من اداب وفنون وبيان

لينا الغد الزاهر مظهر في افريقيا النور الاخضر

السودان وشبابو الاسمر للاخطار في كل مكان .

الرائع دوما سيف الدين الدسوقي .

ده الغرب البسر القلب .

مدينتي الابيض عروس الرمال عاصمة ولاية شمال كردفان السودان

مدينة الجنينه ولاية غرب دارفور السودان

السلام سمح

لو ﺷﻔﺘﺎ ﻣﺮﺓ ﺟﺒﻞ ﻣﺮﺓ

ﻳﻌﺎﻭﺩﻙ ﺣﻨﻴﻦ ﻃﻮﻝ ﺍﻟﺴﻨﻴﻦ

ﺗﺘﻤﻨﻰ ﺗﺎﻧﻲ ﺗﺸﻮﻓﻮ ﻣﺮﺓ

ﻟﻮ ﺷﻔﺘﺎ ﻣﺮﺓ ﺟﺒﻞ ﻣﺮﺓ

ﻟﻮ ﺷﻔﺘﻮ ﺗﻨﺴﻰ ﻫﻤﻮﻡ ﻋﻤﺮ

ﺑﻴﻦ ﺍﻟﻤﻨﺎﻇﺮ ﻭﺍﻟﺰﻫﺮ

نيرتتي الجميله جبل مره دارفور السودان

سحر الطبيعة وروعة المكان وعظمة الانسان

صباح الخير

اللهم صلِّ علي سيدنا محمد وعلى آله وصحبه وسلم عدد ماخلقة وعدد ما أنت خالق صلاة تملا السماوات والأرض عدد ذرات الهواء والماء والتراب وكل جماد خلقة وما أنت خالق عدد الخلايا الحية في كل كائن حي خلقت وما أنت خالق صلاة تنجينا بها من كل الأهوال وتكفينا بها الهموم وتغضي لنا بها الحاجات وترفعنا بها في أعلى الدرجات عندك ي جواد يا كريم

صلي الله عليه وسلم

السودان منطقة رشاد جنوب كردفان لا للحرب نعم للسلام

ﺣﻨﺒﻨﻴﻬﻮ ﺍﻟﺒﻨﺤﻠﻢ ﺑﻴﻬﻮ ﻳﻮﻣﺎﺗﻰ

ﻭﻃﻦ ﺷﺎﻣﺦ ﻭﻃﻦ ﻋﺎﺗﻲ

ﻭﻃﻦ ﺧﻴﺮ ﺩﻳﻤﻘﺮﺍﻃﻲ

ﻭﻃﻦ ﻣﺎﻟﻚ ﺯﻣﺎﻡ ﺃﻣﺮﻭﺍ

ﻭﻣﺘﻮﻫﺞ ﻟﻬﺐ ﺟﻤﺮﻭﺍ

ﻭﻃﻦ ﻏﺎﻟﻲ

ﻧﺠﻮﻣﻮ ﺗﻼﻟﻰ ﻓﻲ ﺍﻟﻌﺎﻟﻲ

ﺇﺭﺍﺩﺓ ﺳﻴﺎﺩﺓ ﺣﺮﻳﺔ

ﻣﻜﺎﻥ ﺍﻟﻔﺮﺩ ﺗﺘﻘﺪﻡ ﻗﻴﺎﺩﺗﻨﺎ ﺍﻟﺠﻤﺎﻋﻴﺔ

ﻣﻜﺎﻥ ﺍﻟﺴﺠﻦ ﻣﺴﺘﺸﻔﻲ

ﻣﻜﺎﻥ ﺍﻟﻤﻨﻔﻲ ﻛﻠﻴﺔ

ﻣﻜﺎﻥ ﺍﻻﺳﺮﻱ ﻭﺭﺩﻳﺔ

ﻣﻜﺎﻥ ﺍﻟﺤﺴﺮﺓ ﺃﻏﻨﻴﺔ

ﻣﻜﺎﻥ ﺍﻟﻄﻠﻘﺔ ﻋﺼﻔﻮﺭﺓ

ﺗﺤﻠﻖ ﺣﻮﻝ ﻧﺎﻓﻮﺭﺓ

ﺗﻤﺎﺯﺡ ﺷﻔﻊ ﺍﻟﺮﻭﺿﺔ

ﺣﻨﺒﻨﻴﻬﻮ ﺍﻟﺒﻨﺤﻠﻢ ﺑﻴﻬﻮ ﻳﻮﻣﺎﺗﻲ

ﻭﻃﻦ ﻟﻠﺴﻠﻢ ﺃﺟﻨﺤﺘﻮ

ﺿﺪ ﺍﻟﺤﺮﺏ ﺃﺳﻠﺤﺘﻮ

ﻋﺪﺩ ﻣﺎ ﻓﻮﻗﻮ ﻣﺎ ﺗﺤﺘﻮ

ﻣﺪﺩ ﻟﻼﺭﺿﻮ ﻣﺤﺘﻠﺔ

ﺳﻨﺪ ﻟﻺﻳﺪﻭﺍ ﻣﻠﻮﻳﺔ

ﺣﻨﺒﻨﻴﻬﻮ ﺍﻟﺒﻨﺤﻠﻢ ﺑﻴﻬﻮ ﻳﻮﻣﺎﺗﻲ

ﻭﻃﻦ ﺣﺪﺍﺩﻱ ﻣﺪﺍﺩﻱ

ﻣﺎ ﺑﻨﺒﻨﻴﻪ ﻓﺮﺍﺩﻱ

ﻭﻻ ﺑﺎﻟﻀﺠﺔ ﻓﻲ ﺍﻟﺮﺍﺩﻯ

ﻭﻻ ﺍﻟﺨﻄﺐ ﺍﻟﺤﻤﺎﺳﻴﺔ

ﺣﻨﺒﻨﻴﻬﻮ ﺍﻟﺒﻨﺤﻠﻢ ﺑﻴﻬﻮ ﻳﻮﻣﺎﺗﻲ

ﻭﻃﻦ ﺑﺎﻟﻔﻴﻬﻮ ﻧﺘﺴﺎﻭﻯ

ﻧﺤﻠﻢ ﻧﻘﺮﺍ ﻧﺘﺪﺍﻭﻯ

ﻣﺴﺎﻛﻦ ﻛﻬﺮﺑﺎ ﻭﻣﻮﻳﻪ

ﺗﺤﺘﻨﺎ ﺍﻟﻈﻠﻤﺔ ﺗﺘﻬﺎﻭﻯ

ﻧﺨﺖ ﺍﻟﻔﺠﺮ ﻃﺎﻗﻴﻪ

ﻭﺗﻄﻠﻊ ﺷﻤﺲ ﻣﻘﻬﻮﺭﺓ

ﺑﺨﻂ ﺍﻟﺸﻌﺐ ﻣﻤﻬﻮﺭﺓ

ﺗﺨﻠﻲ ﺍﻟﺪﻧﻴﺎ ﻣﺒﻬﻮﺭﺓ

ﺇﺭﺍﺩﺓ ﻭﺣﺪﺓ ﺷﻌﺒﻴﺔ

ألفي البطان ما اتجلد يمرق يخلي البلد

قومو للسوط الما بقوم أريت ما اتولد

أبشرو

وحلمت بيك ..

زرتيني في عز المنام ..

شفتك قمر بين النجوم ..

يتهادى في رقة ودلال ..

ويهزم دياجير الظلام ..

ولقيتو طيفك يا سلام ..

سابح مع الجو في غمام ..

زي التقول نازل على ..

من جنة حافاها الورود ..

ولقيتو ثغرك في ابتسام ..

والبسمة خلت حرفي في ..

حالة خصام ..

يكتب شنو ويوصف شنو ..

ويقول شنو ..

في ليلة البدر التمام .

لكل من مر من هنا وترك كلمه طيبه اوتعليقا هنا او هناك

ولكل من مر بهدو ولم يعلق اسال الله ان يسعد صباحكم جميعا

المردوم تراث سوداني قبائل البقاره

قبائل البقارة مجموعه اثنيه تنتشر في منطقه تعرف بحزام البقارة ويتجاوز تعدادها الكلي الستة مليون نسمة وتنتشر على منطقه جغرافي واحد يعرف بحزام البقارة يمتد في المنطقة من تخوم الحدود الإثيوبية والإريترية مع السودان وحتى أطراف الحدودية النيجرية مع تشاد ونيجيريا يتحدثون العربية ويدينون بالإسلام السواد الأعظم فيها ينسب نفسه إلى جنيد بن أحمد الجهيني حيث قدم أبناؤه من شبه الجزيرة العربية إلى أفريقيا عن طريق مصر وتونس وشمال أفريقيا واختلطوا بالسكان المحليين. وينقسمون من حيث الموطن إلى ثلاثة أقسام رئيسية: بقارة كردفان وتجدهم أكثر اختلاطا بالقبائل المحلية الأخرى ولذلك تجد في رقصات التراث المعرفة بالمردوم يتزين الشباب و الفتيات ببعض الحلي الإفريقية وريش النعام وبقارة دارفور وبقارة تشاد وديل أقل حظا في الاختلاط بالقبال المجاورة لهم ده بطن من بطون البقارة يعرف بالمسيرية والرقصة دي اسمها المردوم تلقها في مناطق إيقاعها سريع ونشيط ودي قبائل رحل لترحالهم الكثير شمالا وجنوب بحثا عن الماء والكلأ وفي دارفور وتشاد إيقاعها بطيء ودي تبع قبائل مستقرة المردوم ده بالتحديد وفي اليوم ده بذات أطلقوا عليه الشباب ديل اسم كوريا الشمالية تهدد أمريكا بقيادة المايسترو عقرب في فترة شهدته توترا بين كوريا الشمالية وخصمها اللدود وا يخيل إلى أنها رسالة واضحة لسان حالها يقول: شكلك ده بادي البريد جديد تلعب معالي أنا يا حلو.

بالمناسبه كلمة الريدة لغير الناطقين بها اللهجة السودانية كلمة ذات خصوصية سودانية عميقة والبتنقل درجة من الحب الخالص وهي في الاصل كلمه نوبيه تمت ترجمتها حرفيا من كلمة فرق وتعني يريد- يطلب- يحب يخطب لزواج والله أعلم

الامانى العذبة تتراقص حيالى

والامل بسااام يداااعب في خيالى

حلمى بكرة وذكرى ايامى الخوالى

بكرة يا قلبى الحزين تلقى السعادة

وعينى تشبع نوم بعد ما طال سهادة

والسرور يملاء حياتى ويبقى زادة

وانسى غلبى والرياحين تملاء دربى

وامسح الدمع البيسيل يسقى وسادة

كم سهرت الليل وكم سالت دموعى

والالم فى قلبى اصبح شى طبيعى

والشباب افنيته ابحث عن وجيعى

عشت راهب بين تراتيلى وخشوعى

بكرة تتحقق الامانى

والفؤاد يرتاح ويبتسم زمانى

والسعادة تكون جزاء صبرى وصنيعى

روى الشاعر محمد علي ابو قطاطي قصة اغنية الاماني العذبة التي جمعته مع الفنان الراحل خليل اسماعيل والقصة تقول : كان عندي (تربيزة) بكتب فيها أعمالي الغنائية وأي فنان بجي بيلقى (النص) العاوزو.

جوني مرة في وقت واحد أحمد زاهر وخليل اسماعيل وكان أي فنان او ملحن يجيني بفتش التربيزة عشان يشيل ليه نص ..اتذكر أن احمد زاهر وخليل اسماعيل لقوا نص اسمه (درب المحبة) في التربيزة وكلمات الأغنية بتقول (انت يا قلبي المتيم كنت خالي

كنت نايم مارايت سهد الليالي

كنت قايل كل شي في الدنيا خالي

) ..كل واحد شال هذه الكلمات وهو ما عارف التاني.. خليل اسماعيل لحن الأغنية وأحمد زاهر لحن الأغنية للفنان أحمد الجابري في وقت واحد. وكل واحد عاوز يغني النص …لذلك جوني خليل اسماعيل وأحمد زاهر (متشاكلين) وكل واحد مصر على أن النص حقه وأن لحنه أجمل.

قمت أنا قلت لي خليل اسماعيل خلي الأغنية لي أحمد الجابري ح اكتب ليك نص تاني يتناسب مع لحنك الذي وضعته لأغنية (درب المحبة) وكتبت نص الاماني العزبه

اللهم صلِّ علي سيدنا محمد وعلى آله وصحبه وسلم عدد ماخلقة وعدد ما أنت خالق صلاة تملا السماوات والأرض عدد ذرات الهواء والماء والتراب وكل جماد خلقة وما أنت خالق عدد الخلايا الحية في كل كائن حي خلقت وما أنت خالق صلاة تنجينا بها من كل الأهوال وتكفينا بها الهموم وتغضي لنا بها الحاجات وترفعنا بها في أعلى الدرجات عندك ي جواد يا كريم

صلي الله عليه وسلم

مـحـبـوبــى وكــتــيــن يـبـتــســم

الــدنــيــا يـــانـــاس تـنـقــســم

الفرحه تملاهـا وتزغـرد فيهـا والشـوق يرتسـم

مــرات اقــول اديـهــو كـلـمـه تـزعـلـو

حبة عـذاب وكـلام عتـاب انـا عارفـو مابتحملـو

علشان اشوف خده الحريـر الدمعـه جاريـة تبللـو

لكنـى قبـال ابــدا بلحـظـات اقـيـف اتامـلـو

الضحكة واللفته البتاخد من عيونى النوم شهور وتجفلو

وانسى العتاب الكنت نـاوى اقولـه وارجـع منهـزم

الــدنــيــا يـــانـــاس تـنـقــســم

الفرحه تملاهـا وتزغـرد فيهـا والشـوق يرتسـم

فى العيون ببنيلـو داريـن مـن مـوده ومـن منـي

بضمه فى قليبـى إنبسـاط و محبـه فياضـه وهنـا

مـاردت غيـره ولاهــو راد زولا ســواى انــا

نظراتـه كيفـن اوصفـا دى الفـى عيونـي مدونـا

همساته تحنـان القمـارى الراجعـه للعـش والجنـا

وتــضـــوى والــلــيــل يــنــهــزم

وكــتــيــن يــبــالــغ ويـبـتــســم

الــدنــيــا يـــانـــاس تـنـقــســم

الفرحه تملاهـا وتزغـرد فيهـا والشـوق يرتسـم

كان غبتي ما بتغيب شمس والسكة قدامي وبمش

طبيعة الدنيا زي الموج تجيب وتودي

ما تهتمو للأيام

ظروف بتعدي ما تهتمو للأيام

سبيل الزول عشان يفتح طريق يا دوب

يكون زادو البشيلو معاهو شوق مشهوق

عشان يلقي انتصارو يا زمن محبوب

يضوق المرة يتوشح بي صبر ايوب

ما تهتمو بالأيام

ظروف بتعدي ما تهتمو للأيام

وما تهتمو اصلو الناس حياتها ظروف

بتتحكم تغير كل خط مالوف

مصير الزول حياتو ياما فيها يشوف

وفي دنيانا بنلاقي الفرح والخوف

ماتهتمو للأيام

ظروف بتعدي ما تهتمو للأيام

جمال الدنيا في بسمة سرور وجمال

وفي فرح الخواطر الطيبة في الامال

وفي شروق الصباح في بسمة الاطفال

ومهما تظلم الأيام ضياها الفال

وما تهتمو للأيام

ظروف بتعدي ما تهتمو للأيام

ﻳﺎ ﺯﻣﻦ ﻭﻗّﻒ ﺷﻮية

ﻭﺃﻫﺪﻱ ﻟﻲ ﻟﺤﻈﺎﺕ هنية

ﻭﺑﻌﺪﻫﺎ ﺷﻴﻞ ﺑﺎﻗﻲ ﻋﻤﺮﻱ

ﻭﺷﻴﻞ ﺷﺒﺎﺑﻲ ﺷﻴﻞ ﻋﻴﻨﻴﺎ

ﻳﺎ ﺯﻣﻦ ﺭﻓﻘﺎً ﺑﺤﺎﻟﻲ

ﻭﺑﻲ ﺣﺒﻴﺐ ﻋﻤﺮﻱ ﺍﻟﻤﺜﺎﻟﻲ

ﺑﻲ ﺳﻌﺎﺩﺗﻮ ﻭﺑﻲ ﻫﻨﺎﻫﻮ

ﻭﺑﻲ ﺷﺮﻭﺩﻱ ﻭﺇﻧﺸﻐﺎﻟﻲ

ﺑﻲ ﺃﺣﺎﺳﻴﺴﻮ ﻭﻣﺸﺎﻋﺮﻭ

ﻭﺑﻜﻞ ﺧﺎﻃﺮ ﻓﻲ ﺧﻴﺎﻟﻰ

ﻳﺎ ﺯﻣﻦ ﻣﺎ ﺗﺒﻘﻲ ﻗﺎﺳﻲ

ﻧﺤﻦ ﺣﻘﻘﻨﺎ ﺍﻟﻤُﺤﺎﻝ

ﻧﺤﻦ ﻫﺪَّﻣﻨﺎ ﻭﺑﻨﻴﻨﺎ

ﻭﻧﺴﺠﻨﺎ ﻓﻲ ﺍﻟﺨﻴﺎﻝ

ﺃﻟﻒ حيلة ﻟﻲ ﻟﻘﺎﻧﺎ ﻭﺃﻟﻒ حيلة ﻟﻠﻮﺻﺎﻝ

ﻳﺎ ﺯﻣﻦ ﺇﻧﺖ ﺟﺎﻳﻰ ﻓﻲ ﺍﻟﻨﻬﺎية

ﺟﺎﻳﻰ ﻣﺎ ﻋﺎﺭﻑ ﺍﻟﺒﺪﺍية

ﻳﺎ ﺯﻣﻦ ﺟﺎﻳﻰ ﺗﺠﺮﻱ

ﻭ ﺇﻧﺖ ﻣﺎ ﻋﺎﺭﻑ ﺍﻟﺤﻜﺎية

ﺑﻴﻦ ﺣﺒﺎﻳﺐ ﻋﺎﺷﻮﺍ ﻓﺘﺮة

ﻟﻰ ﻟﻘﺎﻫﻢ ﺃسمى ﻏﺎية

ﻳﺎ ﺯﻣﻦ ﺃﺭﺣﻢ ﺣﺒﺎﻳﺐ

ﻟﺴﻪ ﻓﻲ ﻋﻤﺮ ﺍﻟﺰﻫﻮﺭ

ﺟُﻮﺩ ﻋﻠﻴﻬﻢ ﺑﻲ ﺩﻗﺎﺋﻖ

ﻗﺒﻞ ﻣﺎ ﺗﻌﺪِّﻱ ﻭﺗﻤُﺮ

ﻳﻤﻠﻮﺍ ﻓﻴﻬﺎ ﺍﻟﺪﻧﻴﺎ ﻓﺮحة

ﻭﻧﺸﻮة ﻣﻦ ﺧﻤﺮ ﺍﻟﺴﺮﻭﺭ.

هذه قصة الأﻏﻨﻴﺔ السودانية الشهيرة “ﻳﺎ ﺯﻣﻦ ﻭقف ﺷﻮية” وشاعرها يعترف القصيدة محصلة ثماني سنوات لعلاقة ربطتني بفتاة لم أراها

4 سنوات

كشف الشاعر السوداني الكبير إبراهيم الرشيد في حوار متداول بصورة واسعة داخل مواقع التواصل بالسودان عن قصة قصيدته الشهير يا زمن والتي أبدع في أدائها المطرب الراحل إبراهيم عوض.

وقال الرشيد في حديثه للمواقع الاسفيرية أن هذه الأغنية تعد محصلة ثماني سنوات لعلاقة حب ربطتني باحدي الفتيات لم ارها طوال هذه السنوات وكان يربطنا ( التلفون ) وفي هذه المكالمات لم تصدر منا كلمة احبك او أريدك او ما شابه ذلك انما كان إحساس ومشاعر وفقط عبارات.. صباح الخير .. مسا الخير ..!! وفي ذلك الزمن التلفونات كانت نادرة جداً ولكن بحكم عملي بالبوستة توفرت لي وسيلة الاتصال وفتاتي كانت من اسرة ميسورة وهي طالبة بكلية الاقتصاد جامعة الخرطوم وكانت تسكن بداخلية الجامعة وتشاركها الغرفة زميلة لها تعلم بقصتنا وقد طلبت من صديقاتها ان تتصل بي لمقابلتها وفعلاً اتصلت بي واتفقنا علي اللقا، بمكتبة العلوم بالجامعة وان تكون كلمة السر بيننا ( روزماري ) لأننا لا نعرف بعضنا وهذه الكلمة مستوحاة من قصة ليالي الحب في فيينا وفي الموعد المحدد وصلت الجامعة ودخلت مكتبة علوم وكانت مكتظة بالطلبة والطالبات ولكي لا احدث جلبة وازعاج كنت اقترب من كل مجموعة وأقول ( روزماري ) وعندما سمعت الكلمة شهقت وهبت واقفة وتقابلنا وتعارفنا وعلمت منها ان والدها شخصية كبيرة بالدولة وطلبت ان نتقابل مرة اخري فرفضت وقلت لها لو زرتك بالجامعة سوف ادخلك في مشكلة وان مجتمعنا المحافظ لا يرحم وزعلت وعلمت ان لديها امتحان بعد يومين ودخلت الامتحان ورسبت واتصلت بي وقالت انني سبب رسوبها وتألمت جدا لهذا الموقف وبعدها علمت انها قد جلست للملحق ونجحت وذهبت لها بالجامعة وقابلتها وبغضب قالت لي :داير شنو ؟ فقلت لها : اريد ان اعتذر لك عن عدم زيارتي السابقة ، وطلبت منها ان نخرج فاشترطت ان ترافقنا صديقتها واستقلينا عربتي الاوستن واتجهنا نحو وشارع النيل ووقفنا قبالة نادي الزوارق ولم ننزل من العربة وفتحنا الأبواب وأخذنا نتأمل في المناظر الخلابة .. النيل وجزيرة توتي واصوات السابلة وفي تلك الليلة كان القمر( قمر 14 ) ..!! وخيم الصمت علينا والكلام غلبنا عديل والواحد ما قادر يقول شنو ويبتدي من وين ..؟؟!!.

والقصة كلها خيط مربوط مع بعض ولم نجد اي تعبير غير اننا نعاين لبعض ومن الساعة 7 لحدي الساعة 11 ما في واحد قال بغم وفجأة صديقاتها قالت ( الزمن سرقنا ) وارجعتهن الي الجامعة وفي نفس المكان صليت ركعتين لله وحاولت اكتب لكن لم استطع وصليت العشا، برضو ربنا ما فتح علي بكلمة قدت العربة واتجهت نحو كافتيريا اتني عند تقاطع شارع القصر مع الجمهورية وطلبت ساندوتش وزجاجة بيبسي وفرشت المصلاية في الشارع وقعدت اشحد في ربنا عشان يفتح علي بكلمة ورنت في بالي حكاية ( الزمن سرقنا ) وحتى أذان الفجر كنت اردد في كلمة وبعد ان أديت صلاة الفجر انطلقت الأفكار وقلت ( يا زمن وقف شوية ) وبدأت اكتب دون توقف واكملت كل القصيدة في تلك اللحظة ورجعت البيت وبعد ان شربت شاي الصباح توجهت نحو جامعة الخرطوم وانا احمل القصيدة الوليدة وقابلت الخفير وقلت له ارجو ان تسلم هذه الورقة للطالبة فلانة .. وهذه القصيدة فتقت فيني جروح وفتقت فيني الألم وأعطتني آفاق بعدية لان الشاعر او المبدع زي الشايل كاميرا فوتغرافية اي منظر جميل بيصوره بأحاسيسه ومشاعره يعني ليعرف الأبعاد والمسافات وبيعرف العنوان وأغنية يازمن وقف شوية كانت مفتاح شهرة ومفتاح معرفة لسر الغنا وقد غني الفنانابراهيم عوض اغنية يا زمن لاول مرة سنة 1960 في حفل عام قبل ان يسجلها للإذاعة.

أغنية يا زمن وقف شوية هي من ﻛﻠﻤﺎﺕ : ﺇﺑﺮﺍﻫﻴﻢ ﺍﻟﺮﺷﻴﺪ ﺃﺣﻤﺪ – ﺃﻟﺤﺎﻥ : ﻋﺒﺪ ﺍﻟﻠﻄﻴﻒ ﺧﻀﺮ – ﻏﻨﺎﺀ : ﺇﺑﺮﺍﻫﻴﻢ ﻋﻮﺽ

مشاركة أداء / الفنانه نانسي عجاج💝 تحيه المساء 💝

الحنين لا يعرف آداب الزيارة..والغياب لا يملك حسن التصرف ..والشوق مدلل لا يقدر علي تحمل شئ..والروح تناجي روحها البعيدة سحقا لحنين ارهق قلوبنا ..

"مَا لِي سِوَى قَرْعِي لِبَابِكَ حِيلَةٌ

  فَلَئِنْ رُدِدْتُ فَأَيَّ بَابٍ أَقْرَعُ؟"

الطلعت بيهو من الصوره دي انو مافي زول جاري وراك عاوز مصلحتك ،كل يعدو خلفك سعيا لمصالحهم الشخصيه

حينَ اكتشَفْتُكِ   لم يكُنْ قصدي اكتِشافُكْ... فأنا الذي ما كنْتُ ضِدَّ الحُبِّ يومًا أو معَهْ.. أنا مُؤمِنٌ أنَّ الفُصولَ الأربعةْ ..   ستظَلُّ دومًا أربعةْ .. وبأنَّ شَمسًا واحدةْ .. وبأنَّ بدرًا واحدًا .. فتنَ الوجودَ إلى السَّماءَ السَّابعةْ... لكنَّني حينَ اكتشَفْتُكْ 😊 كلُّ الأُمورِ تغيَّرتْ... فأضَفْتِ بَدرًا ثانيًا... وأضفتِ شمسًا ثانيةْ... وأضفتِ فَصْلاً خامِسًا .. ما أرْوَعَهْ 💓😍👌

كل عام والريده بينا زائدة فوق بنيانا طوف وكل عام وانا وانتي نبعد من عيون اولادنا خوف ونبني ليهم بيت سعاده نبقى نحن دليل و شوف ونعلم الناس المشاعر ودهشة الريد في الحروف 💗💗💗 كل عام و الدنيا اجمل ومن عيونك ماخد نوره ومن بريق ضي ابتسامتك تاخد الانجم سروره والازاهر عطر فايح وانتي ياكي عبير زهوره وكل عام والفرحه تكبر والاماني نعلي سوره

نخاصم ليه وليه نزعل منو الفي الدنيا ضامن يعيش ومنو الفي الدنيا مابرحل ... منو العندو المحاسن كوم ومنو الافراحو مابتكمل ومنو العايش دوام مبسوط منو الفي حياتو ما اهمل كل الناس جواها جراح وما عاد تاني تتحمل كفايه عليها حجم الهم وعايشا العمر تتأمل يلا معاي .... نفيض بسمات عشان خاطر الفرح يوصل يلا معاي .... نزيل الفات عشان الجاي بكون أجمل 🌷  نهار النور 🌷